३४८१.

धन्य काशीपुरी धन्य काशीपुरी । जेथें वास करी विश्वनाथ ॥१॥

तयाच्या दर्शनें प्राणी मुक्त होय । चारी मुक्ती पायां लागताती ॥२॥

भागीरथी स्नान जयालागीं घडे । समूळ हें झडें पाप त्याचें ॥३॥

काळभैरवाचें दर्शन घेईल । तात्काळ जाईल वैकुंठासी ॥४॥

प्रदक्षणा पंचक्रोशीची जो करी । होईल अधिकारी सर्वस्वाचा ॥५॥

धुंडिराजस्वामी दृष्टी जो न्याहाळी । होईल त्या होळी सर्व पापा ॥६॥

तेथें जाउनियां करी अन्नदान । तया नारायण ह्रदयी वसे ॥७॥

एका जनार्दनीं नित्य काशीवास । परम सुखास पात्र झालों ॥८॥

आपण साहित्यिक आहात ? कृपया आपले साहित्य authors@bookstruckapp ह्या पत्त्यावर पाठवा किंवा इथे signup करून स्वतः प्रकाशित करा. अतिशय सोपे आहे.
Please join our telegram group for more such stories and updates.telegram channel