राम राम म्हणूनी सदा रडे ।
जे जे देखे त्याच्या पाया पडे ॥१॥
देव देखत पिसे पाही ।
आपले पारखे नोळखे काही ॥२॥
बोलामाजि घाली मौनाची मिठी ।
शून्याही वरील सांगतो गोष्टी ॥३॥
आपुलिया माथां आपण मारी ।
त्याच्या पिसेपणा कोण आवरी ॥४॥
एका जनार्दनी पिसा झाला खरा ।
आपुल्या आपण ताशी शरीरा ॥५॥
आपण साहित्यिक आहात ? कृपया आपले साहित्य authors@bookstruckapp ह्या पत्त्यावर पाठवा किंवा इथे signup करून स्वतः प्रकाशित करा. अतिशय सोपे आहे.
