गोरा ग गोरा रंग । भीवया कम्मानी ।
चांगला चिंतामणी । भाईराजस ग माझा ।
भाईराजसाच्या । भीवया कांतीव ।
रुप सख्याचं ओतीव ॥
मोठे मोठे डोळे । भीवया रत्नरेघा ।
राजस बंधू माझा । वर कोन्या रानीजोगा ।
राजस बंधू माझा । काशीखंडाचा केवडा ।
सांवळे भावजई । भागीरथी तूझा जोडा ।
ढवळ्या घोडीचा । पीवळा चाबूक ।
वरता शीपाई नाजूक । भाई राजस ग माझा ॥
ढवळ्या घोडीचा । पीवळा जीन ।
माझ्या ग भावाची । बसणाराची कवळी शीण ॥
एकूलता एक । मनीना सारा येळ ।
राजस बंधवा । तुमां देवाचं पाठबळ ॥
दिवस काळ असा । नीघूनी जाईल ।
राजस बंधवाला । तेज मोत्याला येईल ॥
संपत सोयरी । मला भाजीच्या मोलाचा ।
सोयरा बंधू माझा । हात्ती माझा अंबारीचा ॥
अंबारीचा हत्ती । हत्ती वाडयाला भीडला ।
मायबाईनं माझ्या । मला कीराना धाडीला ॥
संपत सोयरी । आहे ऊसाची पाचोट ।
सोयरा बंधू माझा । नाहीं करणीला हाटत ॥
*
सकाळीं ऊठूनी । दुधाची धार वाजं ।
गंगा गवळी नांव साजं । माझ्या बंधवाला ॥
गाईच्या गवतराची । अंगनीं झाली गंगा ॥
भाईराज माझा । गवळ्या पांडुरंगा ॥
गाईच्या गवतराचा । अंगणीं झाला सडा ।
माझ्या ग बंधवाचा । ऊंच गवळ्याचा वाडा ॥
गाई वारानं । पानंद दाटली ।
बंधू तुझ्या दईवाची । मला मऊज वाटली ॥
शेत पीकलं पीकलं । म्हसोबाची पट्टी ।
हातीं शेदराची वाटी । ऊभा मदनाच्या काठीं ( खळं )
शेत पीकलं पीकलं । माल येईना गाडयानं ।
बंधवानं माझ्या । लमाण लावले भाडयानं ॥
काळ्या आवारांत । काळ्या बैलाचं आऊत ।
बंधवाच्या घरीं । आली लक्षीमी धांवत
बैलांचीं ग नांवं । पवळ्या चिंतामणी ।
याच्या पाठीवर गोणी । वाडा चढं नंदीवाणी ॥
बैलामंदीं बैल । झाला पवळ्या चंचळ ।
झाली पेरणी पातळ । कणस पडले कंबळ ॥
तीफन्याताईनं । घेतीला उभा माळ ।
माझ्या ग बंधवाची । रासन्याची तारांबळ ॥
पाऊस पडतो । गर्जु गर्जु आध्या रातीं ।
सोयर्या बंधवाची । अर्जुनाची बैलशेती ॥
पाऊस पडतो । गर्जु गर्जु मेघा ।
सोयर्या बंधवाला । अर्जुनाला पेरूं लागा ॥
शेताआड शेत । कोन्या शेताला मी जाऊं ।
बंधवाचा माझा । हेलवा देतो गहूं ॥
शेताआड शेत । ओळखूं येईना नंबर ।
सोयर्या बंधवा । लावा धुर्याला ऊंबर ॥
वाटेवरी हरभरा । आल्यागेल्याची ओटी ।
सावळ्या बंधवाच्या । पेरीला शिंगीसाठीं ॥
वाटेवरी हरभरा । आल्यागेल्याचा हुळा ।
बंधव माझा । झाला दईवान भोळा ॥
*
शेजी वीचारीती । तुला भाऊ कीती ।
नको सांगूं एकाएकी ।
एकामागें एक । येतील चौघे भाऊ ।
नको शेजी दृष्ट लावूं ॥
पावना माझा दादा । शेजी मनीती सूतार ।
देतें मीठाचा ऊतार ॥
पावना माझा दादा । शेजी मनीती रोहिल्ला ।
तूला होईन दृष्ट । वेगीं वाडयांत बाहीला ।
दृष्ट मी काढीतें । मीठ मोहर्या लिंबू ताजा ।
दृष्टी जोगाबंधू माझा ।
दृष्ट मी काढीतें । मीठ मोहर्या शींक्यावर ।
राजस बंधूला । दृष्ट झाली नाक्यावरी ।
काय तरी सूकलासी । माझ्या गुलाबाच्या फूला ।
राजस बंधवा । माझी दृष्ट झाली तूला ।
माळ्याच्या मळ्यांत । इसबंदाचा ग वाफा ।
भाई राजसाला माझ्या । दृष्ट झाली बापलेका ॥
*
भावाची भाऊकी । ईळ्याईतकी वांकडी ।
बंधवा माझ्या । शब्द बोलावा तांतडी ।
*
वाटंन चालला । दादा माझा साळाभोळा ।
नार चंद्रावळ । घाली धोतराला पीळा ।
नाचनी नाचती । ताळ तोडीती भूईचा ।
भाऊचा माझ्या । रुमाल मागती डोईचा ।
नाचनी नाचती । खाले पाहून हांसती ।
भाऊची माझ्या । शीन कवळी दिसती ।
गांवा आल्या कळवातीणी । उतरल्या कोसामानी ।
चालविलं शीदापानी । भोळ्या माझ्या बंधवांनीं ॥
गांवा आल्या कळवातीणी । ऊतरल्या ग बागांत ।
सीता मालन माझी । रानी जुल्हाळ वाडयांत ॥
रानीचं चांगुलपन । जसं मोतीयाचं पानी ।
सांगते बंधवाला । नको ठेवूं कळवातीणी ॥
