जो जो जो जो रे सुकुमारा । दत्तात्रय अवतारा ॥ध्रु०॥
कमलासन विष्णु त्रिपुरारी । अत्रिमुनीचे घरीं ॥
सत्व हरुं आले नवलपरी । भ्रम दवडीला दुरी ॥जो०॥
प्रसन्न त्रिमूर्ति होऊनि । पुत्रत्वा पावुनी ।
हर्ष झालासे त्रिभुवनीं । राहे ऋषिचे सदनीं ॥जो०॥
पालख बांधविला सायासीं । निर्गुण ऋषिचे वंशीं ।
पुत्र जन्मला अविनाशी । अनसूयेचे कुशीं ॥जो०॥
षट्दश नामासी आधार । दत्तात्रय अवतार ।
कृष्णदासासी सुख थोर । आनंद होतो फार ॥जो०॥
आपण साहित्यिक आहात ? कृपया आपले साहित्य authors@bookstruckapp ह्या पत्त्यावर पाठवा किंवा इथे signup करून स्वतः प्रकाशित करा. अतिशय सोपे आहे.
