चल सखी येतो सर्व जाऊं त्यजुन गोकुळ या श्रीरंगाचे मागें मागें ।
रात्री मोहुनीया नंद यशोदेसी ।
नेती अक्रुर हरिलागी मथुरेसी ॥
दृष्टी कैचा मग पडेल ह्रषीकेशी ? ।
जातो स्वाम पूर्ण काम शाम राम धाम ग्रामीं या तमाम अग्नी घ्या गे ॥१॥
गोकुळींच्या हत्त्या कीं सर्व आतां ।
अक्रुरा, ह्या पडतील तुझ्या माथा ।
नको नेऊ मथुरेसी जगन्नाथा ।
असें बोलु त्या नीधान म्लानवाण जाग दान, आण घालोनी प्रमाण
त्याचे घ्या गे ॥२॥
दिसे अक्रुर हा क्रूर मोठा बाई ।
यानें बोधुनिया नंद-यशोदाही ।
नेतो आमचा जिवप्राण शेषशायी ।
हा रे जळ येक आम्ही मीन तयाविण दीन लीन हीन लक्षणक्षिण
अम्हां लागे ॥३॥
सखे क्षणभर रथ नाहीं थांबविला ।
कसा दुर्जन हरि दूर लांबविला ।
जिवा अक्रुरें चिंताग्नी झोंबविला ।
गिती होनाजी बाळा गाये, धायपाय साहे लाहें सर्वथा हे न्याय
मागे (?) ॥४॥

आपण साहित्यिक आहात ? कृपया आपले साहित्य authors@bookstruckapp ह्या पत्त्यावर पाठवा किंवा इथे signup करून स्वतः प्रकाशित करा. अतिशय सोपे आहे.
Please join our telegram group for more such stories and updates.telegram channel

Books related to लावणी


लावणी