प्रेमपिसें भरलें अंगीं ।
गीतसंगे नाचों रंगीं ॥१॥

कोणे वेळे काय गाणें ।
हें तों भगवंता मी नेंणे ॥२॥

वारा धांवे भलतया ।
तैसी माझी रंग छाया ॥३॥

टाळमृदंग दक्षिणेकडे ।
आह्मी गातों पश्चिमेकडे ॥४॥

बोले बाळक बोबडें ।
तरी तें जननीये आवडे ॥५॥

नामा ह्मणे गा केशवा ।
जन्मोजन्मीं देईं सेवा ॥६॥
आपण साहित्यिक आहात ? कृपया आपले साहित्य authors@bookstruckapp ह्या पत्त्यावर पाठवा किंवा इथे signup करून स्वतः प्रकाशित करा. अतिशय सोपे आहे.
Please join our telegram group for more such stories and updates.telegram channel