वैष्णवां घरीं सर्वकाळ ।
सदा झणझणिती टाळ ॥१॥

कण्या भाकरीचें खाणें ।
गांठीं रामनाम नाणें ॥२॥

बैसावयासी कांबळा ।
द्वारीं तुळसी रंगमाळा ॥३॥

घरीं दुभे कामधेनु ।
तुपावरी तुळसी पानु ॥४॥

फराळासी पीठ लाह्या ।
घडीघडी पडती पायां ॥५॥

नामा ह्मणे नेणती कांहीं ।
चित्त अखंड विठ्ठलपायीं ॥६॥
आपण साहित्यिक आहात ? कृपया आपले साहित्य authors@bookstruckapp ह्या पत्त्यावर पाठवा किंवा इथे signup करून स्वतः प्रकाशित करा. अतिशय सोपे आहे.
Please join our telegram group for more such stories and updates.telegram channel