मराठी आरती संग्रह

दत्ताची आरती २

Author:संकलित

जयदेव जयदेव जय, श्रीमान अवधूता |
आरती ओवाळी तुजला, बाळ उमासुता ||

माहूरगड असे तुझे, पावन जन्मस्थान |
दर्शनास येती भक्त, गात तुझे गुणगान |
घेऊन दर्शन तुझे, मिटवती ते तहान |
कृपा करसी त्यावर, आहेस फार महान ||

गाणगापूर असे तुझे, एक वसती स्थान|
येती भक्त तुझे, करती भावे तीर्थ स्नान|
स्नान करुनी भक्त, घेतात तुझे दर्शन|
भिक्षा मागुनी गावात , करती ते भोजन||

भूतबाधा, चिंता, खूप घेऊन येती भक्तगण|
पीडा आपुल्या मिटवती, येती तुला शरण|
भक्ताच्या हृदयात असे , सदा तुझा वास|
नृसिंहवाडीस येती, त्याना लाभे सहवास||

अनुष्ठान करे वाडीस, घेती तुझे जपनाम|
समाधान पावती जेंव्हा, होई पूर्ण ते काम|
पावन स्थानापैकी एक, असते हो औदुंबर|
चुकवत नसे दर्शन, तुझे ते भक्त दिगंबर||

हजार पायऱ्या चढून, येती भक्त गिरनारास |
विसरती कष्ट देहाचे, घेताच तव दर्शनास |
कृपा तुझी आम्हावर, राहो देवा दत्तात्रया |
विसरणार नाही तुला, या तिन्ही कालत्रया ||

आपण साहित्यिक आहात ? कृपया आपले साहित्य authors@bookstruckapp ह्या पत्त्यावर पाठवा किंवा इथे signup करून स्वतः प्रकाशित करा. अतिशय सोपे आहे.
Comments
Please login to comment. Click here.

It is quick and simple! Signing up will also enable you to write and publish your own books.

Please join our telegram group for more such stories and updates.

Books related to मराठी आरती संग्रह


मराठी आरती संग्रह
इतर आरती संग्रह