शरेषु क्षीयमाणेषु, भज्यमानेषु धन्वसु ।
शस्त्रेषु क्षीयमाणेषु, मुष्टिभिर्जर्हुरेरकाः ॥२०॥
युद्ध मांडिलें घोरांदर । सरले भातडींचे शर ।
धनुष्यदंडें येरायेर । घायें निष्ठुर हाणिती ॥४४॥
घाय हाणितां अतिबळें । धनुष्यें मोडलीं तत्काळें ।
क्षीण झालीं शस्त्रें सकळें । हतियेर-बळें खुंटलीं ॥४५॥
ब्रह्मशापाची एरिका । तीरीं निघाली होती देखा ।
ते मुष्टीं घेऊनि क्रोधतवका । एकमेकां हाणिती ॥४६॥
आपण साहित्यिक आहात ? कृपया आपले साहित्य authors@bookstruckapp ह्या पत्त्यावर पाठवा किंवा इथे signup करून स्वतः प्रकाशित करा. अतिशय सोपे आहे.
