भयचकित नमावें तुज रमणी,
जन कसे तुडविती तुज चरणी ? ध्रु०
महाकवी, तत्त्वज्ञ, भूपती,
समरधुरधंर वीर धीरगति,
स्थितप्रज्ञ हरि उरीं कोंडिती,
प्रसव तयांचा तूं जननी. १
भूत निघाला तव उदरांतुन
वर्तमान घे अंकीं लोळण,
भविष्य पाही मुली, रात्रदिन
तव हांकेची वाट मनीं. २
तुझ्या कांतिनें चंद्र झळझळे;
फुला फुलपण मुली, तुजमुळे;
रत्नीं राग तुझा गे उजळे;
तुझ्यास्तवच हीं प्रिय भगिनी ! ३
आपण साहित्यिक आहात ? कृपया आपले साहित्य authors@bookstruckapp ह्या पत्त्यावर पाठवा किंवा इथे signup करून स्वतः प्रकाशित करा. अतिशय सोपे आहे.
