उदार चंद्रा, तुला नमुनि मी मार्ग धरीं आपुला. ध्रु०

शतदा आतां घालीं फेरी,

त्रिलोकगामी दृष्टि रुपेरी

दिशादिशांतुनि टाकुनि हेरीं,

तुज न दिसें प्रेमला ! १

सागरतळिं रे कर खुपसोनी

ह्रद्गत ओढीं वर चेववुनी;

वार्ता न मिळे माझी फिरुनी,

पूस जागवुनि जला. २

नदीतटीं कीं सागरतीरीं,

दिङ्‌मृगजलिं वा व्योमसरोवरिं,

कालपुलिनिं वा अफाट हेरीं,

बघशि न या पाउलां ३

तरुणतरुणि तूं सहस्त्र बघशिल,

ज्वाला त्यांच्या उरिं भडकविशिल,

वेलिवायुसा त्यां हालविशिल,

नच स्पर्शशिल मला. ४

कमलवनीं वायूस निमंत्रुनि

मज्लस भरवुनि मद्य पाजुनी

कळ्या हसव गुदगुल्या करोनी,

हासविशिल नच मला. ५

आपण साहित्यिक आहात ? कृपया आपले साहित्य authors@bookstruckapp ह्या पत्त्यावर पाठवा किंवा इथे signup करून स्वतः प्रकाशित करा. अतिशय सोपे आहे.
Please join our telegram group for more such stories and updates.telegram channel