वाटे उठों नये जीव जाय तरी । सुख तें अंतरी हेलावलें ॥ १ ॥
आनंदे निर्भर होउनीया मन । करूं आलें स्नान इंद्रायणी ॥ २ ॥
घेतलें दर्शन पांडुरंगमूर्ती । तंव झाली स्फूर्ति वदावया ॥ ३ ॥
तुकोबासी तेथें करुनी नमस्कार । आलें मी सत्वर बिर्हाडासी ॥ ४ ॥
बहिणी म्हणे जैसा लोटला समुद्र । ह्रदयाकाशीं इंद्र बोले वाचा ॥ ५ ॥
आपण साहित्यिक आहात ? कृपया आपले साहित्य authors@bookstruckapp ह्या पत्त्यावर पाठवा किंवा इथे signup करून स्वतः प्रकाशित करा. अतिशय सोपे आहे.
