जय देवी मंगळागौरी ।
सुवासिन मी तुला पुजिते ॥ धृ. ॥
कुंकुमतिलक माझ्या लल्लाटी ।
मंगलमणी दे शोभत कंठी ॥
रत्नपाचुचा चुडा मनगटी ।
स्त्रीजन्माचे अहेव लेणे ॥
तुझ्या कृपेने मला लाभले ॥ १ ॥
शिवशंकराहूनी प्रेमळ भोळा ।
दिधलासी पति तू भाग्यवतीला ॥
देहाच्या देवारी पुजीन त्याला ।
ह्र्दयाची आरती प्राणांच्या ज्योती ॥
अमृत तेजाळ प्रित जळते ॥ २ ॥
आपण साहित्यिक आहात ? कृपया आपले साहित्य authors@bookstruckapp ह्या पत्त्यावर पाठवा किंवा इथे signup करून स्वतः प्रकाशित करा. अतिशय सोपे आहे.
