जयदेव जयदेव जय भरवराया । इच्छा वाटतसे बहु तुझे गुण गाया ॥धृ॥
कैलासाहुनि येणें केलें सत्वर ।
काळभैरवरूपें घेउनि अवतार ॥
पंचक्रोशीमाजी पापाचे भार ।
दंडुनिया भक्ताचा करिसी उद्धार ॥ जय ॥१॥
काशीक्षेत्राचा बहु केला प्रतिपाळ ।
ह्मणवुनि तुज ह्मणती श्रीक्षेत्रपाळा ।
अखंड हस्तकिं शोभे डमरु त्रिशूळ ।
सर्वहि छेदन केलें असुराचें कूळ ॥२॥
अश्वारूढ होउनि पृथ्वीच्या वरी ।
निजदासाचें रक्षण करिसि बहुपरी ॥
स्वच्छंदानें येउनिया कृष्णातीरीं ।
शरणागत नीरंजन आरती करी ॥३॥

आपण साहित्यिक आहात ? कृपया आपले साहित्य authors@bookstruckapp ह्या पत्त्यावर पाठवा किंवा इथे signup करून स्वतः प्रकाशित करा. अतिशय सोपे आहे.
Please join our telegram group for more such stories and updates.telegram channel