हरिनाम गोड झाले ॥ काय सांगू गे माये ॥
गोपाळ बहरताती ॥ वेणु आरती पावे ॥ धृ. ॥
गेले होतें वृंदावना ॥ तेथे भेटला कान्हा ॥
गोपाळांसी वेध माझा ॥ छंद लागला मना ॥ १ ॥
आणिक एक नवल कैसे ॥ ब्रह्मांदिकांलागी पीते ॥
उच्छिष्टालागुनियम देव झाले जळीं मासे ॥ २ ॥
आणिक एक नवल चोज । गोपाळांसी सांग गूज ॥
आचवूं जळीचे जीवन ॥ पाहतां नेत्र ते असून ॥ ३ ॥
आणिक एक नवलपरी ॥ करी धरिली सिदोरी ॥
गोपाळांसी वाढीतसे ॥ नामयाचा स्वामी हरी ॥ हरिनाम. ॥ ४ ॥
आपण साहित्यिक आहात ? कृपया आपले साहित्य authors@bookstruckapp ह्या पत्त्यावर पाठवा किंवा इथे signup करून स्वतः प्रकाशित करा. अतिशय सोपे आहे.
