कंसवधार्य धरातल धरिली भक्तांच्या ।
उद्धारार्थ जगद्गुरु होसी विश्वाचा ॥
श्रमले चारी शास्त्रें भ्रमल्या मनवाचा ।
तो तूं गोकुळनायक साक्षीं त्रिजगाचा ॥ १ ॥
जय देव जय देव जय आदीपुरुषा ।
अहिविषमदहरणा श्रीगोविंद परेशा ॥ धृ. ॥
विश्वविद्यासागर निशिदिनि तत्पर तूं ।
शशिकविकामित सहस्त्र युवतीजन पति तूं ॥
गोवर्धनधर कौतुक गुरुसुतदायक तूं ।
सुरनरकिन्नर मुनिजन शंकरह्रुदयी तूं । जय. ॥ २ ॥
निजशरणांगत रक्षक नंदघरी नटतां ।
गोपीजन मनमोहन करिसी वन अटतां ॥
उद्धव पार्था ज्ञानें तारिसि भव असतां ।
तरला गणकात्मज कविलक्ष्मींधर जपतां ॥ ३ ॥
आपण साहित्यिक आहात ? कृपया आपले साहित्य authors@bookstruckapp ह्या पत्त्यावर पाठवा किंवा इथे signup करून स्वतः प्रकाशित करा. अतिशय सोपे आहे.
