श्यामल वर्णा षड्रिपुदमना राधारमणा तूंच हरी ।
आरती करितों बहु प्रेमानें भवभयसंकट दूर करी ॥ धृ. ॥
दानवदमना भूभयहरणा भक्तरक्षणा अवतरसी ।
भक्त काज कल्पद्रुम म्हणुनी निशिदिनीं ध्याती भक्त तुशीं ॥
अतिविधर जो काळा फणिवर कालिय यमुना जलवासी ।
तत्फणिवर तूं नृत्य करुनी पोंचविलें त्या मुक्तींसी ॥ १ ॥
कैटभ चाणुर कंसादिक हें शौर्ये वधिले अमित अरी ।
नारद तुंबर गाती सुस्वर वर्णिती लीला बहुत परी ॥
अपार महिमा श्रवण करोनी भजती त्यातें मुक्त करी ।
दास तुझा दत्तात्रय नमुनी प्रार्थित अज्ञानास हरी ॥ २ ॥
आपण साहित्यिक आहात ? कृपया आपले साहित्य authors@bookstruckapp ह्या पत्त्यावर पाठवा किंवा इथे signup करून स्वतः प्रकाशित करा. अतिशय सोपे आहे.
