काय करुं गे माय आतां कवणा ओंवाळूं ॥
जिकडे पाहे तिकडे राजाराम कृपाळूं ॥ धृ. ॥
ओंवाळूं गे माये निजमूर्ति रामा ॥
रामरुपी दुजेपणा न दिसे आम्हां ॥ १ ॥
सुरवर नर वानर अवघा राम सकल ॥
दैत्य निशाचर तेही राम केवळ ॥ २ ॥
त्रैलोक्यस्वरुपें राम संचारला एक ॥
सदगुरुकृपे केशवराजी आनंद देख ॥ ३ ॥
आपण साहित्यिक आहात ? कृपया आपले साहित्य authors@bookstruckapp ह्या पत्त्यावर पाठवा किंवा इथे signup करून स्वतः प्रकाशित करा. अतिशय सोपे आहे.
