विडा घ्याहो रामराया । महाराज राजया ॥ धृ. ॥
रत्नजडित पानदान । आली जानकी घेवोन ॥
विडा देत करुनियां ॥ दीनबंधो रामराया ॥ १ ॥
सुगंध गंगेरी पानें । मुक्त मोतियाचा चुना ॥
सुपारी कातगोळ्या । भक्तिभावें मेळविल्या ॥ २ ॥
जायपत्री जायफळ । विडा जाहला सुफळ ॥
सीता रामलागीं देत ।केशरकस्तूरी युक्त ॥ ३ ॥
सीताराम विडा घेतां । ऎक्यभावे एकात्मता रंगली ऎक्यरंगी ॥
रामदास पाया लागीं ॥ ४ ॥
आपण साहित्यिक आहात ? कृपया आपले साहित्य authors@bookstruckapp ह्या पत्त्यावर पाठवा किंवा इथे signup करून स्वतः प्रकाशित करा. अतिशय सोपे आहे.
