जय देव जय देव जय मंगलधामा ।
भावें भजतों तुजला दे सौभाग्य रामा ॥ धृ. ॥
तव ध्यानें माझें मन मोहित झालें ॥
मनमोहन नाम तुझें म्हणूनी शोभलें ॥
भजनामृत प्रेमे प्राशन पै केलें ॥
करुणा करीं देवा सार्थक हें नमलें ॥ जय. ॥ १ ॥
देवा केले तुवां अगणित उपकार ॥
सकळहि जगताचा तूंची आधार ॥
निजभक्तांचा घेशी माथां तू भार ॥
ऎशी करुणा तुझी देवा अपार ॥ जय. ॥ २ ॥
अर्पीली काया अवघी ही तूतें ॥
पातकि आहे परि तू उद्धरी मातें ॥
शिशुहारी पडतां रक्षावें तातें ॥
सांभाळी धरुनी निजभक्तांते हाते ॥ जय. ॥ ३ ॥
आनंदाचा सतत दिन ऎसा यावा ॥
मग आम्ही प्रेमाने करूं उत्सवा ॥
दयेने तो तुवां मान्य करावा ॥
हीच प्रार्थना आहे तुजपाशी देवा ॥ जय. ॥ ४ ॥
आपण साहित्यिक आहात ? कृपया आपले साहित्य authors@bookstruckapp ह्या पत्त्यावर पाठवा किंवा इथे signup करून स्वतः प्रकाशित करा. अतिशय सोपे आहे.
