कर्पूरगौरा गौरीशंकरा आरति करूं तुजला ॥
नाम स्मरता प्रसन्न होउनि पावसि भक्ताला ॥ धृ. ॥
त्रिशूळ डमरू शोभत हस्तीं कंठि रुंडमाळा ॥
उग्रविषातें पिऊनि रक्षिसी देवां दिक्पाळां ॥
तृतीय नेत्रीं निघती क्रोधें प्रळयाग्नी ज्वाळा ॥
नमिती सुरमुनि तुजला ऎसा तूं शंकर भोळा ॥ १ ॥
ढकळानंदी वाहन शोभे अर्धांगी गौरी ॥
जटा मुकुटीं वास करितसे गंगासुंदरी ॥
सदया सगुणा गौरीरमणा मम संकट वारीं ॥
मोरेश्वरसुत वासुदेव तुज स्मरतो अंतरी ॥ २ ॥
आपण साहित्यिक आहात ? कृपया आपले साहित्य authors@bookstruckapp ह्या पत्त्यावर पाठवा किंवा इथे signup करून स्वतः प्रकाशित करा. अतिशय सोपे आहे.
