जय जय वो शिवसांबा अंबादेवीच्या निजवरा हो ।
जटाजूट शुळपाणी कर्पुरगौरा गंगाधरा हो ॥धृ॥
पंचवदन शशिभूषण नंदीवहना दिगंबरा हो ।
कपाळपाणी शंभू नीळग्रीवा शिवशंकरा हो ।
भस्मधूलित वपु सुंदर शोभे भाळीं नेत्र तिसरा हो ॥१॥
वामांकवरि गिरिजा शोभे कमळाक्षा सुंदरी हो ।
जीच्या ईक्षणमात्रें जगनगरचना नाना परि हो ।
स्थिरचर सुरनर किन्नरव्यक्ती ब्रह्मांडाभीतरि हो ॥२॥
व्याघ्रांबर फ्गणिवरधर लवथव गजचर्मांबरधरा हो ।
रुद्राक्षाचे भूषण मस्तकिं भूषित बिल्वतुरा हो ।
स्मशान निलईं क्रिडसि संगिं घेउनिया सहचरा हो ॥३॥
रघुविर प्रियकर वंदुनि करितों निरंजन आरती हो ।
सद्भावें गुणकीर्तीवर्णन केली यथामती हो ।
भूधर शिणला जेथें तेथें माझी प्रज्ञा किती हो ॥४॥

आपण साहित्यिक आहात ? कृपया आपले साहित्य authors@bookstruckapp ह्या पत्त्यावर पाठवा किंवा इथे signup करून स्वतः प्रकाशित करा. अतिशय सोपे आहे.
Please join our telegram group for more such stories and updates.telegram channel