सकळारंभी देव आदि गणपती ॥
ब्रह्मादिक हरिहर ऋषि मुनि ध्याती ॥
अकळे नकळे अगाध मंगलमूर्तिं ॥
जय जय करुणानिधी कल्याणकीर्ती ॥१॥
जयदेव जयदेव सिद्धी बुद्धी रमणा ॥
आरति (भावार्थी) ओवाळुं तुमचीया चरणा ॥जयदेव० ॥धृ०॥
विश्वाधीशा विराट स्वरुप विशाळा ॥
विश्व जन व्यापक अगाध लीला ॥
तारक भवाब्धि भक्त जन कृपाळा ॥
लक्षिता हा लक्ष निर्गुण निराळा ॥जयदेव० ॥२॥
ब्रह्मा विष्णु शिवादि तूं आदि मूर्ती ॥
नकळसी वेदशास्त्रा अगाध गुण कीर्ती ॥
मोरया गोसावी योगिया चित्तीं ॥
सबाह्य अभ्यंतर व्यापक गणपती ॥जयदेव० ॥३॥
आपण साहित्यिक आहात ? कृपया आपले साहित्य authors@bookstruckapp ह्या पत्त्यावर पाठवा किंवा इथे signup करून स्वतः प्रकाशित करा. अतिशय सोपे आहे.
