उगीच गेलों पंढरीला । घरीं ठाऊक नव्हतें मला ॥१॥
चंद्रभागेचें रेंदा पाणी । नाहीं प्यालों ओंगळवाणी ॥२॥
गांवा भोंवतालें फिरावें । वेळे उपवासी मरावें ॥३॥
टाळ मृदंगाचे घाई । माझें कपाळ उठते बाई ॥४॥
देऊळासी जातां । तोबे मारिताती हाता ॥५॥
तुका म्हणे रांड लेका । जिकडे तिकडे खासी ठोका ॥६॥
आपण साहित्यिक आहात ? कृपया आपले साहित्य authors@bookstruckapp ह्या पत्त्यावर पाठवा किंवा इथे signup करून स्वतः प्रकाशित करा. अतिशय सोपे आहे.
