अवचित लावी अग्न । विषदान मोलाचें ॥१॥
वुत्ति हरी बलात्कारें । खोटें खरें न पाहे ॥२॥
रवरव कुंभिपाक । भयानक अघोर ॥३॥
दुःख भोगी बहुकाळ । तो चांडाळ कुळेंसी ॥४॥
सुटलीया वांयां जाय । बधिर होय पांगुळा ॥५॥
जीव नाहीं हात खुळे । फुटले डोळे गर्भांध ॥६॥
तेज नाहीं अंगकांती । अंगीं वहाती दुर्गंधी ॥७॥
तुका म्हणे केला सांठा । बुद्धि फांटा दोषांचा ॥८॥
आपण साहित्यिक आहात ? कृपया आपले साहित्य authors@bookstruckapp ह्या पत्त्यावर पाठवा किंवा इथे signup करून स्वतः प्रकाशित करा. अतिशय सोपे आहे.
