मुख बांधुनि मेंढा मारा । म्हणती सोमयाग करा ॥१॥
कोण जाणे खरें खोटें । भजन चालिलें उफराटें ॥२॥
सेंदुरें माखियेला धोंडा । पायां पडती पोरें रांडा ॥३॥
अग्निहोत्रासी सुकाळ । वडापिंपळाचा काळ ॥४॥
सजीवाची तोडातोडी । निर्जीवा लाखोली रोकडी ॥५॥
तुका म्हणे ऐशा रीती । काय विठ्ठल येइल हातीं ॥६॥
आपण साहित्यिक आहात ? कृपया आपले साहित्य authors@bookstruckapp ह्या पत्त्यावर पाठवा किंवा इथे signup करून स्वतः प्रकाशित करा. अतिशय सोपे आहे.
