नामाचिया बळें कैवल्यसाधन । उगेंचि निधान हाता चढे ॥१॥

जाणोनि हें वर्म भक्त भागवत । राहिलों निवांत प्रेमबोधें ॥२॥

कोण जपतप वाहे हें काबाड । म्हणती अवघड या रे नाचों ॥३॥

उघड समाधि हरिकथा सोहळा । नरनारी बाळां लहानथोरां ॥४॥

छंदें वाहती टाळी गाती नामावळी । जयजयकारें होळी दहनदोष ॥५॥

येणें ब्रम्हानंदें दुमदुमिलें जग । सुलभ हा मार्ग सांपडला ॥६॥

तुका म्हणे हरिभक्तीचा उल्हास । आणिलासे त्रास यमदूतां ॥७॥

आपण साहित्यिक आहात ? कृपया आपले साहित्य authors@bookstruckapp ह्या पत्त्यावर पाठवा किंवा इथे signup करून स्वतः प्रकाशित करा. अतिशय सोपे आहे.
Please join our telegram group for more such stories and updates.telegram channel