मंडित चतुर्भुज दिव्य कर्णीं कुंडलें । श्रीमुखाची शोभा पाहतां तेज फांकलें ॥१॥
ओंवाळूं गे माय विठ्ठल सवाई साजिरा । राई रखुमाबाई सत्यभामेच्या वरा ॥ध्रु०॥
वैजयंती माळ गळां शोभे सीमंत । शंख चक्र गदा पद्म आयुधमंडित ॥२॥
सांवळा सकुमार जैसा कर्दळी गाभा । चरणींचीं नेपुरें वांकी गर्जती नभा ॥३॥
वोवाळितां मन उन्मन जाहलें ठायीं । समदृष्टी समाधि तुकया लागला पायीं ॥४॥
आपण साहित्यिक आहात ? कृपया आपले साहित्य authors@bookstruckapp ह्या पत्त्यावर पाठवा किंवा इथे signup करून स्वतः प्रकाशित करा. अतिशय सोपे आहे.
