मानो न मानो तुज माझें हें करणें । काय झालें उणें करितां स्नान ॥१॥
संतांचा मारग चालतों झाडणी । हो कां लाभ हानि कांहीं तरी ॥२॥
न तारिसी तरी हेंचि कोड मज । भक्ति गोड काज आणिक नाहीं ॥३॥
करीन सेवा कथा नाचेन अंगणीं । प्रेमसुख धणी पुरलें तें ॥४॥
महाद्वारीं सुखें वैष्णवांचे मेळीं । वैकुंठ जवळी वसे तेथें ॥५॥
तुका म्हणे नाहीं मुक्तीसवें चाड । हेंचि जन्म गोड घेतां मज ॥६॥
आपण साहित्यिक आहात ? कृपया आपले साहित्य authors@bookstruckapp ह्या पत्त्यावर पाठवा किंवा इथे signup करून स्वतः प्रकाशित करा. अतिशय सोपे आहे.
