कपिकुळीं हनुमंत । तया माझें दंडवत ॥१॥
स्वामी माझा ब्रह्मचारी । मातेसमान अवघ्या नारी ॥२॥
उपजतां बाळपणीं । ग्रासूं पाहे वासरमणी ॥३॥
अंगीं सेंदुराची उटी । शोभे सुवर्ण कांसुटी ॥४॥
अखया पुत्र तो मारिला । जंबु माळी त्राहाटिला ॥५॥
काम धातला बांदोडी । काळ केला देशोधडी ॥६॥
बम्हगोळ पुच्छें कवळी । ऐसा महारुद्र बळी ॥७॥
जाउनी पाताळा । केली देवीची अवकळा ॥८॥
रामरायाच्या सेवका । शरण आलों म्हणे तुका ॥९॥
आपण साहित्यिक आहात ? कृपया आपले साहित्य authors@bookstruckapp ह्या पत्त्यावर पाठवा किंवा इथे signup करून स्वतः प्रकाशित करा. अतिशय सोपे आहे.
