हा रस आनंदाचा । घोष काला हरिनामाचा ।
कोण दैवाचा । भाग्य लाहे येथील ॥१॥
पुण्य पाहिजे बहुत । जन्मांतरींचें संचित ।
होईंल करित । आला अधिकारी तो ॥२॥
काय पाहतां भाई । हरुषें नाचों घनघाई ।
पोटभरी कांहीं । घेतां उरी नेठवी ॥३॥
जें सुख दृष्टी आहे । तेंच अंतरीं जो लाहे ।
तुका म्हणे काय । कळिकाळ बापुडें ॥४॥
आपण साहित्यिक आहात ? कृपया आपले साहित्य authors@bookstruckapp ह्या पत्त्यावर पाठवा किंवा इथे signup करून स्वतः प्रकाशित करा. अतिशय सोपे आहे.
