आणीक मी कोणापाशीं मुख वासूं । निश्चितीनें असूं कोण्या गुणें ॥१॥
आणिक कोणासी हित पुसों सांग । जाणे अंतरंग कोण माझें ॥२॥
वेळोवेळां पाहें तुझ्या मुखाकडे । सांगूं कोणापुढें गुज गोष्टी ॥३॥
तुका म्हणे किती येऊं काकुलती । येऊं द्या श्रीपति कृपा तुम्हा ॥४॥
आपण साहित्यिक आहात ? कृपया आपले साहित्य authors@bookstruckapp ह्या पत्त्यावर पाठवा किंवा इथे signup करून स्वतः प्रकाशित करा. अतिशय सोपे आहे.
