जय देवी जय देवी जय महालक्ष्मी । वससी व्यापकरूपें तूं स्थूलसूक्ष्मीं ॥धृ०॥
करविरपूरवासिनी सुरवरमुनिमाता ॥ पुरहरवर्दायिनी मुरहर प्रियकांता । कमलाकारे जठरीं जन्मविला धाता । सहस्रवदनी भूधर न पुरे गुण गातां ॥१॥
मातुलिंगे गदा खेटक रविकिरणीं । झटके हाटक - वाटी पीयुषरसपाणी । माणिकरसना सुरंगवसना मृगनयनी । शशिकवदना राजस मदनाची जननी ॥२॥
तारा शक्ति अगम्या शिवभजकां गौरी । सांख्य म्हणती प्रकृति निर्गुण निर्धारीं । गायत्री निजबीजे निगमागम सारी । प्रकटे पद्मावती निजधर्माचारी ॥३॥
अमृतभरिते सरिते । अघदुरितें वारी । मारी दुर्घट असुरां भव दुस्तर तारीं । वारीं मायापटला प्रणमत परिवारीं । हे रूप चिद्रुप तद्रुप दावी निर्धारी ॥४॥
चतुराननें कृश्चित कर्माच्या ओळी । लिहिल्या असतिल माते माझे निज भाळीं । पुसोनि चरणातळीं पदसुमनें क्षाळीं । मुक्तेश्वर नागर क्षीरसागरबाळी । जय देवी जय देवी महा० ॥५॥

आपण साहित्यिक आहात ? कृपया आपले साहित्य authors@bookstruckapp ह्या पत्त्यावर पाठवा किंवा इथे signup करून स्वतः प्रकाशित करा. अतिशय सोपे आहे.
Please join our telegram group for more such stories and updates.telegram channel