चल चल सखे पुजना ।
हस्ताशी जोडोनी, गौरीसी वंदुनि ॥ धृ. ॥
प्रथम वाहू हळदी कुंकुम हे ।
हाती घेऊ पुष्प सुगंधी हे ।
वाहुनी अक्षदा लावूनी कर्पूरा ॥ १ ॥
चांदीच्या ताटात लावा आरतीला ।
ओवाळू पंचारति तिजला ।
वर्षाशी येऊनी दर्शन देऊनी सर्वकरी मंगला ॥ २ ॥
सौभाग्य लाभो सदा सर्वदा ।
लयास जावो सर्वही आपदा ।
गाऊनी हे गान मागू चुडेदान ॥ ३ ॥
निरांजने आता लावा तुम्ही ।
एकाग्र मनासी ठेवा जणी ।
लावून कर्पूर दावूनी नैवद्य ॥ ४ ॥
आपण साहित्यिक आहात ? कृपया आपले साहित्य authors@bookstruckapp ह्या पत्त्यावर पाठवा किंवा इथे signup करून स्वतः प्रकाशित करा. अतिशय सोपे आहे.
