साक्षर झालेल्या समाजाला
जातीबद्दल बोलावं म्हणलं....
गावा बाहेरील वस्त्यांना
गावासोबत जोडावं म्हणलं....
कुबट विचारांची होळी रोज
चौका-चौकात पेटवावी म्हणलं....
अस्पृश्यासारखं लढून पुन्हा
चवदार तळं चाखावं म्हणलं....
जाता जाता रस्त्यावरची
मस्तकी धूळ लावावी म्हणलं....
स्वर्ग नरकासारखेच येथे
पाप-पुण्य शोधावं म्हणलं....
वैष्णवांच्या मेळ्यामधी
स्वतःला हरवून जावं म्हणलं....
पांडुरंग होऊन कुंडलिकाला
डोळे भरून पाहावं म्हणलं....
पापा सोबत चंद्रभागेत
जात अर्पण करावी म्हणलं....
संजय सावळे
आपण साहित्यिक आहात ? कृपया आपले साहित्य authors@bookstruckapp ह्या पत्त्यावर पाठवा किंवा इथे signup करून स्वतः प्रकाशित करा. अतिशय सोपे आहे.
