सोनेरी ताटवे उन्हाचे
झोपडीस माझ्या असावे,
अंगणात चिवचिवाट
रोज पाखरे जमावे.....
अंधाराचा सहवास
असावा मज सवे,
कोरा चंद्र झाकतांना
दाट चांदणे असावे....
नसेलही समुद्र किनारा
जवळ एक झाड असावे,
हवेच्या झुळके सरशी
पिकलेले पान गळावे....
आयुष्य झोपडीतून
आनंदात वाहावे,
वाहणाऱ्या नदीस शेवटी
अर्पून जावे....
संजय सावळे
आपण साहित्यिक आहात ? कृपया आपले साहित्य authors@bookstruckapp ह्या पत्त्यावर पाठवा किंवा इथे signup करून स्वतः प्रकाशित करा. अतिशय सोपे आहे.
