विश्वशांतीचे अन् समतेचे
ब्रीद आपुले राखूया,
चला, चला रे आज तिरंगा
या खांदयावर मिरवूया...
जात, धर्म ते विसरुन जाऊ,
आपण सारे भाऊ भाऊ !
भारतभूच्या छत्राखाली
ऐक्य आपुले राखूया,
चला, चला रे आज तिरंगा
या खांदयावर मिरवूया...
भीती न आम्हां मुळी कुणाची,
अभेदय छाती हिमालयाची !
भय कशाला आक्रमणाचे
शूर शिपाई होऊया,
चला, चला रे आज तिरंगा
या खांदयावर मिरवूया...
पाऊल आता पुढेच टाकू,
भारतभूची कीर्ती राखू !
हरितक्रांतीचा, विज्ञानाचा
मंत्र संजीवन गाऊया,
चला, चला रे आज तिरंगा
या खांदयावर मिरवूया...
जनन-मरण हे तुझ्याचसाठी,
टिळा मातिचा लाविन माथी !
सार्वभौमत्व हे भारतभूचे
अभंग आपण राखूया,
चला, चला रे आज तिरंगा
उंच नभावर चढवूया
आपण साहित्यिक आहात ? कृपया आपले साहित्य authors@bookstruckapp ह्या पत्त्यावर पाठवा किंवा इथे signup करून स्वतः प्रकाशित करा. अतिशय सोपे आहे.
