आमुचे प्रणाम बाबांना

त्या थोर पूज्य चरणांना !

दलितांचे झाले वाली

तिमिरात ज्योत लाविली

गरिबांस जाग आणिली

दिली एक नवी प्रेरणा

आमुचे प्रणाम बाबांना !

शिकविली नव्याने समता

’चवदार तळ्याची कथा’

हे ’जीवन’ सर्वांकरिता -

सांगती मंत्र दुबळ्यांना

आमुचे प्रणाम बाबांना !

व्हा जागे, मोठे व्हा रे

बंदिस्त ठोठवा दारे

अन्याय दूर सारा रे

तळमळीची ही घोषणा

आमुचे प्रणाम बाबांना !

ते शिकले, मोठे झाले

ते शिकवायाते झटले

बंधूंची म्हणुनी पावले

चालली करीत गर्जना -

’भीमराव, घ्या नजराणा’

आमुचे प्रणाम बाबांना !

आपण साहित्यिक आहात ? कृपया आपले साहित्य authors@bookstruckapp ह्या पत्त्यावर पाठवा किंवा इथे signup करून स्वतः प्रकाशित करा. अतिशय सोपे आहे.
Please join our telegram group for more such stories and updates.telegram channel