नदी वाहते त्या तालावर
शेते काठावरती झुलती
ऊन-पावसा झेलत झेलत
कणसांमध्ये भरती मोती
नदी वाहते त्या तालावर
झाडे सरसर उंच वाढती
फळाफुलांना बहर अनावर
फांदयांवर पक्ष्यांची घरटी
नदी वाहते त्या तालावर
पाऊलवाटा पळती, वळती
सगेसोयरे येता-जाता
सुखदुःखाला येई भरती
नदी वाहते त्या तालावर
मंदिरातले दीप तेवती
वेशीवरती जागृत दैवत
लोक सुखाने झोपी जाती
आपण साहित्यिक आहात ? कृपया आपले साहित्य authors@bookstruckapp ह्या पत्त्यावर पाठवा किंवा इथे signup करून स्वतः प्रकाशित करा. अतिशय सोपे आहे.
