माझ्या ग अंगणात
थवे फुलपाखरांचे
गोल गोल रिंगणात
गाणे फिरते रंगांचे
माझ्या ग अंगणात
पंख फिरकती तयांचे
लाल-गुलाबी फुलांत
ध्यान चालले निळ्याचे
माझ्या ग अंगणात
वेल निळे गोकर्णीचे
गर्द पोपटी पानांत
झुले झुंबर पंखांचे
माझ्या ग अंगणात
मिटे पंख पाखरांचे
हळू जाता धरु हात
पंख फाटती त्यांचे
अशा माझ्या अंगणात
रंग सांडले फुलांचे
फुलपंखी मंडपात
रंग थवे पाखरांचे
आपण साहित्यिक आहात ? कृपया आपले साहित्य authors@bookstruckapp ह्या पत्त्यावर पाठवा किंवा इथे signup करून स्वतः प्रकाशित करा. अतिशय सोपे आहे.
