रानातल्या रानात
हिरव्या पिवळ्या पानात
उडतंय पाखरु -
तळ्यातल्या उन्हात
गळ्यातल्या गाण्यात
डोलतंय पाखरु -
डोंगरच्या वार्यात
फुलत्या पिसार्यात
नाचतंय पाखरु -
पावसात भिजतंय
तरीही हसतंय
खटयाळ पाखरु -
दिशातून आलं
देशाला निघालं
लबाड पाखरु -
भिरभिर पाखरु
उडतंय छान
भोवती हसतंय
हिरवं रान -
हिरव्या रानात
पिवळं फूल
मनाला घालतंय
मोहक भूल -
भुलले मनात
शिरले रानात
सोनेरी उन्हात
पोपटी पानांत -
पानांना देतो
वारा हूल
त्याला लागलंय
खरंच खूळ.
आपण साहित्यिक आहात ? कृपया आपले साहित्य authors@bookstruckapp ह्या पत्त्यावर पाठवा किंवा इथे signup करून स्वतः प्रकाशित करा. अतिशय सोपे आहे.
