दुसरें दर्शन

वसंता : वेदपुरूषा! आपण कोठें आतां जाणार ?

वेदपुरुष : रामाच्या निवासानें पवित्र झालेल्या गोदावरीच्या तीरीं जाऊ.

वसंता : तेथे काय पहावयाचें ? काय ऐकावयाचें ?

वेदपुरुष : सर्वत्र एकच दर्शन, एकच श्रवण तुला मी सोन्यामारुति दाखवणार आहे. काळेकुळकुळीत सोन्यामारुति.

वसंता : मारुतीचा रंग काळाच होता. आपण लहान खेड्यात जाणार आहोंत का शहरांत जाणार आहोंत ?

वेदपुरुष : लहान खेड्यांत.

वसंता : खेड्यांतील लोकांत माणुसकी अधिक असते नाही ?

वेदपुरुष : अविचार व रूढी यांचें प्राबल्यहि पुष्कळ असतें. शहरांत कोण कोणाला विचारतो ? परंतु खेड्यात ताबडतोब गोष्टी पसरतात. झटपट न्याय असतो. धर्माच्या रूढ कल्पना मेले तरी ते सोडणार नाहीत. जो कोणी बंड पुकारील त्याला छळतील, त्याच्यावर बहिष्कार घालतील.

वसंता : झाडीत दिसतें तेंच खेडें का ?

वेदपुरुष : होय.

वसंता : गंगेचा प्रवाह कांही फार मोठा नाहीं येथें.

वेदपुरुष :परंतु थोड्याचाहि आधार असतो.

वसंता :या खेड्याचें काय नांव ?

वेदपुरुष : रामगांव.

वसंता : किती गोड नांव !

आपण साहित्यिक आहात ? कृपया आपले साहित्य authors@bookstruckapp ह्या पत्त्यावर पाठवा किंवा इथे signup करून स्वतः प्रकाशित करा. अतिशय सोपे आहे.
Comments
Please join our telegram group for more such stories and updates.telegram channel

Books related to सोन्यामारुति


चिमणरावांचे चर्हाट
नलदमयंती
सुधा मुर्ती यांची पुस्तके
झोंबडी पूल
सापळा
श्यामची आई
अश्वमेध- एक काल्पनिक रम्यकथा
खुनाची वेळ
गांवाकडच्या गोष्टी
अजरामर कथा
गावांतल्या गजाली
लोकभ्रमाच्या दंतकथा
पैलतीराच्या गोष्टी
मराठेशाही का बुडाली ?
कथा: निर्णय