संतसंगतीत मनोमार्गानें श्रीपति आकलन होतो.
संताचे संगति मनोमारों गती । आकळावा श्रीपति येणे पंथे ॥१॥
रामकृष्ण वाचेचा भाव हा जीवांचा भाव असुन शिवाचा रामजप हा आत्मा.
रामकृष्ण वाचा भाव जीवाचा । आत्मा जो शिवाचा रामजप ॥२॥
एकतत्वी नामच अद्वैताचें साधन
एकतत्वी नाम साधितो साधन । द्वैताचें बंधन न बाधिजे ॥३॥
नामामृताची गोडी वैष्णवांनीं चाखली असुन योग्यांनी जीवनकळा साधिली.
नाममृत गोडी वैष्णवां लाधली । योगिया साधली जीवनकळा ॥४॥
प्रल्हादाचे ठिकाणी नामोच्चार बिंबला असुन उद्धवाला कृष्णदाता लाधला
सत्वर उच्चार प्रल्हादी बिंबला । उद्धवा लाधला कृष्णदाता ॥५॥
नाम हे जितकें सुलभ तितकेचा दुर्लभ आहे
ज्ञानदेव म्हणे नाम हे सुलभ । सर्वत्र दुर्लभ विरळा जाणे ॥६॥
आपण साहित्यिक आहात ? कृपया आपले साहित्य authors@bookstruckapp ह्या पत्त्यावर पाठवा किंवा इथे signup करून स्वतः प्रकाशित करा. अतिशय सोपे आहे.
