काडकीच्या टोकावर ताणलाय दोर
दावतोय करामत इवलासा पोर
न्हाई नजर ठरणार वरी, खेळ डोंबारी करी
कशी कसरत दावतुया न्यारी, खेळ डोंबारी करी
दुमडुन एक केली पोट आणि पाठ
जल्माची घातलीया मरणाशी गाठ
जीव लाखाचा फेकलाय वरी
कशी कसरत दावतुया न्यारी, खेळ डोंबारी करी
शेलाट्या अंगाची घातलीया घडी
लवलव लवतिया वेताची छडी
फूल डोंगरचं फुललंय् दारी
कशी कसरत दावतुया न्यारी, खेळ डोंबारी करी
घडीत आभाळ घडीत धरती
कोरभर भाकर पोटाला पुरती
पान मघावती रानातली दरी
कशी कसरत दावतुया न्यारी, खेळ डोंबारी करी
आपण साहित्यिक आहात ? कृपया आपले साहित्य authors@bookstruckapp ह्या पत्त्यावर पाठवा किंवा इथे signup करून स्वतः प्रकाशित करा. अतिशय सोपे आहे.
