दत्तदिगंबरा, ऊठ करुणाकरा । पहाट झाली पुरे झोप आता ।
भक्तजन हे उभे वाट पाहती सभे । दर्शने देई त्या शीघ्र शांता ॥ध्रु.॥
अरुण तम दूर करी कुंकुमे नभ भरी । बापडी ही उषा पदर पसरी ।
गंग खळखळ करी त्वद्यशे जगभरी । मंद वाहे कशी अनिललहरी ॥१॥
वनगंधर्व हे सुस्वरे गाइती । मोर केकारवे नृत्य करिती ।
मुनिकुले गर्जती वेदमंथगिरा । ऊठ बा श्रीधरा राधु पठती ॥२॥
षट्पदे पद्मदली गुंजती प्रियकरा । भेटती ही मुद्रा चक्रपिल्ली ।
रंग कष्टी उभा पाहू दे मुखप्रभा । लोळू दे सतत बा चरणकमळी ॥३॥
आपण साहित्यिक आहात ? कृपया आपले साहित्य authors@bookstruckapp ह्या पत्त्यावर पाठवा किंवा इथे signup करून स्वतः प्रकाशित करा. अतिशय सोपे आहे.
