या चित्रा मध्ये देवीला कामाक्षीच्या रूपात दाखवले आहे.
तिच्या हातात उस आहेत. ऊस हे भारतात प्रेमाचे प्रतीक मानले गेले आहे. तसेच हे इच्छा, कामुकता, सर्व प्रकारच्या भावना आणि आनंदाचे देखील प्रतीक आहे.कामाक्षी देवीने हातात कमळाचे फूल धरले आहे. कमळ हे प्रेमाची देवता कामदेव यांचे शस्त्र आहे.तिच्या भुजेवर पोपट स्वार आहे. पोपटावर स्वार होणारा कामदेव उसापासून तयार केलेला धनुष्य उंचावतो, मधुकर निर्मित प्रत्यंचा ताणतो आणि आणि फुलांनी बनवलेले बाण मारतो. हि फुले आणि बाण मनाला उत्तेजित करतात, हृदयाला उत्तेजित करतात आणि मन स्वप्ने, वासना यांनी भरतात.
कामदेव इष्ट हेतूचे विघटन करणारी शक्ती मानली जाते, म्हणून हिंदू त्याची पूजा करत नाहीत. पण जेव्हा देवी त्याची शस्त्रे जसे उसाचे धनुष्य आणि फुलांचा बाण हातात घेते तेव्हा असे मानले जाते की कामदेव अस्तित्वात आहे. मात्र त्याच्यावर शक्तीचे नियंत्रण आहे.
हिंदू धर्मात इच्छेला महत्त्वाचे स्थान आहे. ऋग्वेदात असे म्हटले आहे की सृष्टी अस्तित्वात आली कारण सृष्टी निर्माण करण्याची इच्छा निर्माणकर्त्याच्या हृदयात निर्माण झाली. माणसाच्या इच्छा जगात राहूनच पूर्ण होतात. संपत्ती, ज्ञान आणि शक्ती जगाकडून प्राप्त होतात.
मनुष्य देवीकडून सर्व काही मिळवू शकतो, परंतु देवी तिच्या बदल्यात त्याच्याकडून काहीतरी मागते. भले त्या गोष्टी म्हणजे चांगली कर्म, निरीक्षणे असू शकतात, परंतु कर्म करणारा देवीशी वर्चस्वाच्या नात्याने नव्हे तर प्रेमाच्या भाषेने बांधील असेल.
देवी तिच्या वरच्या दोन हातांमध्ये एक कुऱ्हाड आणि एक फास धारण करते. कुऱ्हाड हे मृत्यू आणि विभाजनाचे प्रतीक आहे. कुऱ्हाड मारते आणि शरीराला आत्म्यापासून वेगळे करते; पण फास शरीराला आत्म्याशी जोडते. हि प्रतीके सर्व प्राण्यांना त्यांच्या नशिबाशी जोडतात
