शरण आलों तुझ्या पायां । भटकोनी जगीं वायां ॥१॥
आतां धाडीं न परता । पाहूं नको रे पात्रता ॥२॥
पात्र पाहुनी ठेविसी । तुझी थोरवी ते कैसी ॥३॥
आम्हीं नालायक चोर । नांव ऐकुनी आलों थोर ॥४॥
नांवा सारिखें दे दान । पद दावीं रे निर्वाण ॥५॥
भक्ति पाहुनी पावसी । वाण्या पैल रे भाससी ॥६॥
त्यांत थोरपणा कैसा । बाजारींचा भाव ऐसा ॥७॥
नांव पतितपावन । श्रुति स्मृति गाती जाण ॥८॥
पतित तो देई काय । मागे बाळा काय माय ॥९॥
मायबाप आलों द्वारीं । कृपाभीक ’रंगा’ घालीं ॥१०॥
आपण साहित्यिक आहात ? कृपया आपले साहित्य authors@bookstruckapp ह्या पत्त्यावर पाठवा किंवा इथे signup करून स्वतः प्रकाशित करा. अतिशय सोपे आहे.
