निंदकांचे तोंडा कोण देई तोंड । निंदास्तुति गोड दोन्हीं आम्हां ॥१॥

प्रणवविस्तार पन्नास अक्षर । वाईट चांगुल तेथें कैंचें ॥२॥

डी ओ जी तो डाँग जी ओ डी तो गाँड । वाचणार द्वाड उलटें वाची ॥३॥

बुद्धिभेदें बोल भिन्न भिन्न फोल । वस्तु समतोल एक जगीं ॥४॥

देवा तुला लाज अन्याशीं न काज । निंदेची ती खाज जिरवीं वेगीं ॥५॥

कोणी कांही म्हणो लाथाडो वा हाणो । तुज विण नेणों आणि कांहीं ॥६॥

होऊं सावधान विचारुनी मन । सहूं मानामान आनंदानें ॥७॥

संकल्प निःसार शब्दांचा बाजार । ’रंग’ एक सार दुजा नसे ॥८॥

आपण साहित्यिक आहात ? कृपया आपले साहित्य authors@bookstruckapp ह्या पत्त्यावर पाठवा किंवा इथे signup करून स्वतः प्रकाशित करा. अतिशय सोपे आहे.
Please join our telegram group for more such stories and updates.telegram channel