तुझा मी कोणता अपराध केला?
जिव्हारी मारिला बाण माझ्या !
एकान्तात होतो गात मी मंजुळ
तोच तू घायाळ केले मला
अंतरीच्या कोणा सांगू मी वेदना ?
तुला रे कल्पना काय त्याची !
भरून का कधी जखम येणार !
आता उपचार कशाला रे !
कसा कंठ खुला करून मी गाऊ ?
भरारी मी घेऊ अंतराळी ?
आपण साहित्यिक आहात ? कृपया आपले साहित्य authors@bookstruckapp ह्या पत्त्यावर पाठवा किंवा इथे signup करून स्वतः प्रकाशित करा. अतिशय सोपे आहे.
