का गे रडतेस आता धायधाय !
आणि हाय हाय म्हणतेस !
शेफारले पोर तुझे खोडकर
झाले अनावर आता तुला
नको म्हणताही कोठाराची किल्ली
त्याचे हाती दिली भोळेपणे
गुप्त तिथे होती संदूक ठेविली
अखेर लागली त्याचे हाती
अभागिनी आई, पुरा झाला घात
तुझ्या नशिबात दुःख आता !
आपण साहित्यिक आहात ? कृपया आपले साहित्य authors@bookstruckapp ह्या पत्त्यावर पाठवा किंवा इथे signup करून स्वतः प्रकाशित करा. अतिशय सोपे आहे.
